المساعد الشخصي الرقمي

مشاهدة النسخة كاملة : "..ما هو { آنا } اللي إن ضاقت..علي الدنيا { خنت } .."


طموحي انساك
23-04-2011, 02:28 PM
"..ما هو { آنا } اللي إن ضاقت..علي الدنيا { خنت } .."




تدري وش صار في غيابك
مـوَّت غيابك سوالف ..!

ما يخوِّفني زماني
بس من فرقاك خايف ..!
فجأه أصحـى ومـا أشوفك ..
لا تهددني ... ظروفك

إعتبرني .. حلم / واقع
وإلاَّ ظلٍ ما يطوفـك
ضاميٍ عطشان .. جيتك
لا يعشمني سرابك ..!

تسمح بكلمه ؟! بغيتك
قبل لا تبدي غيابك ..!




تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!




تدري وشْ حطّم غيـابـكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره

عندي ما بـه شي ضروري
فاقد إحساسْ الأماني

لا مراسي لا مواني
وصارتْ الدنيـا / قسى !!

وصار دوري..
أعشق أنواعْ الأَرَقْ ..
وألفظ أنفاسْ الغَرَقْ

وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى

لا صباحي هو صباحي
ولا مسا قلبي / مسا



يا حبيبي في .. غيابكْ
إختلفْ شكلي ولوني

صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صدق اهو فعلاً نسى ؟
راح وأهداني الأسى !

وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!




تدري لو ينطق غيابك؟

بس أبسأل وين كنت؟

ووين رحت بغيبتي؟
وبسأله عن وضع قلبك!

هنت عنده أو ما هنت؟

ياللي مِن غيرك حياتي/
ما لها داعي ومعنى !

صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!

تدري يا عمري بأنك..
عندي كل الناس إنت !

ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت



تدري وش صار بغيابك..؟
غاب [ شاعر ] أحتريه
الوطن : يبكي عليه
والورق : مسكين ضاق
والقلم : يفقد إيديه
عاجز التفكير فيني
يلقى حلٍ للفراق
الزمن مثله زماني
والدقايق هي دقايق
ما تعب صوتي ينادي
صرت مُزعج صرت هادي
وفجأه قلت: بصوت صارخ
وأسمع جراح
راح صوتي
والصدى يرجع .. سكات
مَنْ تُنادي ؟؟ لا حياة
كم أسيرٍ جو رفات
وهذا آخر شي صار
مات قلبي في غـايبكـ




غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!







تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي

تكفى لا تصدمني فيك

تكفى لا تصدمني فيك

ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !





عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!

MESSI
23-04-2011, 05:14 PM
إيه كل الناس عندي
بس مابيهـم بدونك ..!!

تدري يا عمري بأنك..
عندي كل الناس إنت !

تسلمي اختي على القصيدة الرائعه
تقبلي مروري

طموحي انساك
23-04-2011, 11:22 PM
مشكوؤوؤوؤوؤؤور اخووي ميسي ...

تسلم ع المروؤوؤور الطيب ...

ولد الخبات
24-04-2011, 03:49 PM
قصيدة رائعه .......
تسلمي طموحي على الطرح @@@@

شـبيه الــريــــح
24-04-2011, 06:51 PM
تسلم ايدك طموحي انساك على الكلمات الجميلة

طموحي انساك
24-04-2011, 06:59 PM
مشكوؤووؤؤوؤووؤوؤو...ولد الخبااااااات ع المروؤووؤوؤر الطيب .....

تسلم شبيه الريح ع الموؤوؤوؤوؤوؤور الطيب..

بنت الغظيفة
24-04-2011, 07:14 PM
مشكورهـ طموحي أنسااااك..
القصيدهـ روووعهــ وكلمااات جميلهـ..

تسلمي...

بـــقايـــا مسـ˚ஐ˚ــافــر
06-06-2011, 01:26 PM
شكرا لك أختي طموحي انساك...:)

جـــســـاس
12-06-2011, 07:30 PM
شكككككككرررررااااااا
تسلمي ع الموضوع
تقبلي مروري

عظيم الشوق
05-07-2011, 10:35 AM
تســــــــــــــــــــــلمي ع النقل الجميل