ناديت وينك وانت قدام عيني......مع كل رمشة عين اناديك وينك
اشتاق لك واثرك هنا تحتريني.....واحن لك وانا استلذ بحنينك
والزين عندك يشبه الشوق فيني....ولا البشر مافي احد بمثل زينك
بيني وبينك عاطفة تحتويني..... و اجمل دروب الحب بيني وبينك
اسمك كأنك كاتبه في جبيني...... واسمي كأني كاتبه في جبينك
يسهل علي مني لمستي راحتيني..... واصعب على غيري ملامس ايدينك
دامك شفا قلبي ونشوة سنيني..... فانا شفا قلبك ونشوة سنينك
قلبي معاك يبغيك ولا يبيني..... واخر عهد به طاح في راحتينك