ساحل العاج

[أبوراشد العيسائي]

تهوى التفنق والتغــــــرنيج
شــلت خفوقي والفكر هاج
يا وجد قلبي صـــــابه الويج
من ســـــجنها ما حصل إفراج
حلـــــــــوه المزايا والتباريج
متوشــــــحه بالحسن ديباج
من نورها نور الخـــــــوانيج
كنه طفأ من زود الإحـــراج
من حمرة الخـــــدين بالبيج
يدهش جماله ســـاحل العاج
لو للحســـن حفلات تخريج
يســـــــند إليها دور الإخراج
متدرجه الأوصـــــاف تدريج
والحســـــــن لبس راسها تاج
تكســـي محياها الأهازيج
أفواج تأتي وتذهــــــب أفواج
إن ســلهمت من عينها يهيج
قلبٍ غدا للوصـــــــل محتاج
وإن كان للضيقات تفريج
في يدينها للضيقه عــــلاج
يا مروجه للشـــــوق ترويج
مسرح درامي وقصة إنتــــاج
بشاشــــــــةٍ فيها التغرنيج
يوم إســــتباحة خاطري هاج

[أبو الريم]

صح لسانك يا بو راشد

ودوم مبدع في القصيد

[أبوراشد العيسائي]

صح بدنك بو الريم
مرورك شرف لي

[سفانة]

كلمات جميله
يعطيك العافيه ابو راشد

[أبوراشد العيسائي]

الله يعافيك (سفانه)