[أبو حميد]

ملاكــ الحب






أهتويك وأعشقك وأموت فيــــك وكل نبضات المشاعر في هواكــــ
طول عمري أهتويك وأحتريــك وانتقي احلى القصايد في غلاكــــ
كل حاجات الحلاوة دوم فيـــــك فالعيون الناعسات اللي معاكـــــــ
همسك الصافي نعم نبرة حكيـك طلتك خدك ومع بسمة شفاكـــــــ
ما الوم اللي مشى حولك يبيـــك وما ألوم اللي سعالك من حلاكــــ
هالطيور الطايرة حنت اليـــــك جات تبعث لك سلالمي في سماكـ
والبحر لو لامس طروفه يديــك صار سكر من حلاوة مستواكـــــ
لك علامات التواضع في مشيك ولك علامات التسامح في صفاكـ
آمـــــر ولبيه يالغالي اجــــــيك ألتمس عطفك وأحلق في سماكــــ
كل ورود الكون تفحردوم فيـك من حلا عطرك ومن نفحة شذاكـ
يا حلا النسمة وقد مرت عليـك وياحلا رمل وقد داسه خطاكـــــــ
وياحلا كاس المرارة من يديك كالعسل طعمه ولو انه هلاكــــــــ
مشتريك بكل مابي مشــــتريك يا ملاك الحب يا احلى ملاكـــــــ
ما دريت اني متيم بك وابيـــك؟ واهتويك واعشقك دايم واباكــــــ؟؟


عبدالله العيسائي