حــروز المـــودة

[& فـتـى عـاااهـن &]

حروز المودة

فكّ حرزي يا مطوَّع..
وامسحه واشطب عليه..
خلله في ماي بارد..
واقرا تعويذه عليه..
بدّله ابحرز ثاني..
للذي اموت فيه..
صاحبي ياللي هويته..
ابحياتي افتديه..
خلَّه يتعلّق بقلبي..
ويعشقه ويموت فيه..
خلّه ينعش لي فوادي..
يا حلا لمسة يديه..
كثّف احْروز المودَّه..
يا مطوّع واحتريه..
حطّها في ماي بارد..
خلّه يعرفني أبيه..
يا عسى تنفع حروزك..
واستغلَّه وانتصيه..
واكسبه واكسب وداده..
وانثر ورودي عليه..
أعترف انّي أناني..
بس قلبي مرتجيه..
لا حشى ما ني بقاصد..
يا عسى الشر ايْعَديه..
كل شي بيدين ربّي..
القدر ما له شريه..
الله يعلم بالخفايا..
ويا عرب اموت فيه..


كلمات..
وليد العيسائي

[طموحي انساك]

مشكووووور وليد العيساااااااااااااااائي .....

القصيده ماا عليهاااااا كلام ..

وتسلم ع الطرح ..

[& فـتـى عـاااهـن &]

شكراً طموحي أنساك..

هذا من ذوقك..

[أبو الريم]

لا والله الرجال متعذب

قصيدة جميله في خفتها وسلاستها

فكّ حرزي يا مطوَّع..
وامسحه واشطب عليه..
خلله في ماي بارد..
واقرا تعويذه عليه..

تكرار الكلمة في القافية بنفس المعنى .. لو أستبدلتها لكان أفضل

بس القصيدة ما عليها كلام

وفي إنتظار المزيد من أشعارك

[شـبيه الــريــــح]

قصيدة جميلة

شكرا لك وليد غلى الكلمات الطيبة

[الغلا]

ماشاء الله عليك يالعيسائي

مبدع في قصايدك

وقصيدتك جميله بمعنى الكلمه

صح الله لسانك

أتمنى لك الأفضل والى الامام دائما....

[& فـتـى عـاااهـن &]

شكراً لمروركم الرائع..

[أرواح مهاجرة]

جميلة ، سلسة وسريعة الإيقاع وليد ..

لك دعائي بالتوفيق ..

[& فـتـى عـاااهـن &]

شكراً عالمرور أختي أرواح مهاجرة..

[االشمــــــالي]

صراحة يعجز اللسان عن التعبير شعر بسيط وسهل وجميل
تسلم وليد على الطرح