الحظ العثر

[أبوراشد العيسائي]

يا تاجر حظـوظي نسيت
تأخذ معـــك حظي العثر
وش فــــائدة فيني دعيت
روحٍ تبلاها الســــــــــهر
حــــرّمتني نومي وخذيت
كل شيء ما بعت بصبر
عــــــاندتني وفيني رميت
همٍ على هم وكـــــــدر
في حـــــقنا ياما خطيت
يا كم تحمــــلنا الصبر
خليت عاشق مســتميت
تلعبه أمـــــــــواج القهر
حيّال يا الحـــظ وطغيت
ما عـــــــــاد فيني أنتظر
رحلة عمـــر فيها قضيت
أحلى الليالي والســـــمر
واليوم راحـت وأكتفيت
هذا نصيبي والقــــــــدر
يا ما عن حقوقي ســهيت
وأشـكي مصابي للدهر
يا دهــر ما في الحظ ريت
إلا الذي أدهــــــــى وأمر
خذيت لكــن ما عطيت
يا تاجـــــــر الحظ العثر

[سالم العيسائي]

تسلم شاعرنا ع القصيده الرائعه
تقبل تحيأت سالم العيسائي

[سفانة]

مبدع

يعطيك ربي العافية أبو راشد

[أبو الريم]

صح لسانك

وكلمات رائعة وسلسة


وتسلم أبو راشد على الجديد

[الطير]

صح لسانك بو راشد ..
قصيدة رائعه ..
دائما مبدع ..
الله يبعد عنك الحظ العاثر

[أبوراشد العيسائي]

أشكركم جميعا
على المرور الجميل

[الشيدي]

يا تاجر حظـوظي نسيت
تأخذ معـــك حظي العثر

اي والله صدقك نعم
تسلم شاعرنا
تقبل تحياتي
الشيدي